VIVA LA VIRGEN!
Sep 17
1 min read
Tigsik ko po ining Naga ngonian
Mahuyong puso kan Kabikolan
Magpoon pa kaito hasta sa ngonian
Nakahuyom sa kinaban! Maogmang Lugar!
Tigsik ko man an salog kan Naga
Dalan ni Virgen de Peñafrancia
Pano nin kolor, tagob nin istorya
Sa samong puso nagtalanhok an ogma!
Tigsik ko an ronang Kabikolan
Linubngan kan sakong inulnan
Saen man na lugar ako mapaduman
Nasa puso ko dae malilingwan!
Tigsik ko si Inang Peñafrancia
Sa Kabikolan samuyang Patrona
Samong pailihan, samuyang ranga
O, samuyang Ina, kami ampona!
O, Maria, inang Peñafrancia
Haloy nang panahon parasurog mi ika
Samuyang kusog, samuyang ogma
Samuyang guiya, sa Kagurangnan ta!
Comments