VP Robredo nag-donar oxygen machines sa BMC

Dawa sibot sa mga vaccine express si Bise Presidente Leni G. Robredo nagviaje sa Ciudad nin Naga nganing ihatod an saiyang idodonar na duwang unit kan High Flow Nasal Cannula Oxygen Machines sa Bicol Medical Center (BMC) na ginagamit kan pasyente sa coronavirus disease.


An bise presidente nagbisita kan Martes na aga, Septiembre 7 dara an duwang oxygen machines asin pig-turn over ki BMC Director Dr. Francisco Sales asin opisyales kan hospital.


Sinabi ni VP Robredo na aram niya kaipuhan an sinambit na machines sa tahaw kan padagos na naglalangkaw an caso kan Covid-19 sa Ciudad nin Naga asin Camarines Sur.


An tabang kan bise presidente komo suporta sa mga pasyente, frontliners asin health institution na nangengenotan sa paglaban sa Covid-19.

VP Leni Robredo (ika-tolo hale sa wala) sa tahaw an duwang High Flow Nasal Cannula Oxygen Machine na kataid ni BMC Chief Dr. Francisco Sales.


Nagpasalamat man si Dr. Sales huli kan suporta sa sainda ni VP Robredo mantang naglalangkaw naman an piglalaog na mga pasyente sa saindang hospital.


Sa datus kan BMC nagsakat na sa 132 an mga pasyente ninda sa Covid-19 na admitted kan hospital. Alagad an saindang 15 High Flow nasal cannula oxygen machines anas ginagamit kan mga pasyente.


Katuwang kan OVP iyo an LiftLife partner Kaya Natin Movement for Good Governance and Ethical Leadership na nag-donar kan machines.


An BMC nagkukulang nin machines sa mga pasyente sa Covid-19 sa tahaw kan padagos na paglangkaw kan caso sagcod na yaon pa an homa kan delta variant. (DPA)