Wanted person dakop sa kamposanto kan Undas

Dai nakadulag sa kamot kan mga awtoridad kan arestaron an sarong wanted person sa aldaw kan Undas, Noviembre 1, 2025 sa laog kan kamposanto sa Barangay San Francisco, Bombon, Camarines Sur.

Sa ginibong operasyon kan Naga City Police Office asin Bombon Municipal Police Station bitbit an mandamiento de aresto nadakop an sarong nginaranan na Alyas Marlon, 35 anyos, construction worker asin residente kan Zona 6, Barangay Cararayan, Ciudad nin Naga na nag-aatubang sa casong pagbalga sa Section 5 (A) kan Acta Republica 9262 o mas bestado sa Anti-Violence Against Women and Children.

Tanganing temporaryong makaluwas sa carcel cantidad dos mil pesos an dapat ibayad niyang piyansa base sa kasugoan kan jusgado.