WISH NI KARA
Sep 12
1 min read
Tigsik ko an ibang politico
Maurag an ginigibong pauso
Nagkakahelang, palyado kuno
Num, wheel chair o neck brace an kaipo!
Tigsik ko an unanong si Gloria
Pamana sa mga bulastog pambihira
Saginsagin may helang, abaa na
Takot malapa duman sa selda!
Tigsik ko si Loren Loren Sinta
Narindi kan init kan Solar daa
Ay hala! Nag-aabo-abo na
An baga' biglang nagkaplema!
Senadora Jinggay tigsik ko man
Grabeee an duso' kan tuhod, arayyy!
Kuntodo pati igua pang saklay
Ayos man an drama, istarirayyy!
Tigsik ko pa si Sen Markubets
Wow, an gabos na helang pinakyaw na
Dae pa nakontento, sinagad na
Nagpantaaya pang makapyansa!
Tigsik ko man po an Wish ni Kara
Kun ika bulastog, maglikay ka
Kun ika malagarto, remate ka
Sayang kan kinulimbat mong kuwarta!
Comments