Youth Mass

Ginibo kan nakaaging Sabado, Marso 5, an youth mass sa pangenot kan administrador kan Omalo Mission Station Reb. Pd. John Anthon A. Valencia sa Catolicong Capilla ni Nstra. Sra. De Fatima sa Sitio Baliwag, Burabod, Lagonoy, Camarines Sur. Siring man, nagkondusir nin mga pampakonswelong aktibidades asin pagpapakakan sa mga kaakian na pinagmarhay na hamanon kan Omalo Mission Station Youth Ministry(MSYM). An Omalo Mission Station iyo an Santa Maria Soledad Torres Acosta Mission Station na pig-aandam na maging parokya. Yaon ini sa Omalo, Lagonoy, Camarines Sur. Kan nakaaging bulan pinagpoonan kan MSYM sa Barangay Panicuan an kaenot-enoteng Youth Mass na may katuyuhan na pagburugkoson an mga jovenes sa paagi kan danay na pagpamibi sa paagi kan Banal na Eukaristiya. Ikokondusir an arog kaining aktibidad-relihiyosa kada bulan sa mga sitio asin barangay na sakop kan Mission Station. (Photo credit: Jester Efraim Abundabar Milante)