Tinabangan kan Magarao Municipal Police Office (MPS), Magarao, Camarines Sur an sarong familia sa Barangay Karigsa, na enterong garaba si harong matapos kan bagyong Uwan kan saindang padarahan nin construction materials nganing makatindog giraray an saindang estaran. An MPS Magarao na pinamamayohan ni P/Capt Mark Spana naglibot sa mga barangay matapos kan nakaaging calamidad alagad naheling ninda an sarong garabang harong sa Barangay Karigsa na tolos ninda hinanap an kagsadir

Ni Sonny Malate Apwera sa regular na trabaho katakod sa pagmantenir kan paz y orden sa localidad, sustenido man kan Goa Municipal Police Station (MPS) an saindang best practices orug na sa lado nin community engagement. Saro digdi iyo an feeding program para sa mga kaakian sa mga barangay asin escuelahan na ginigibo kada bulan. Ini an apreciado asin ikinakaogma kan mga kaakian, magurang asin mga paratukdo. Segun ki PMaj Ronald P. Brugada, hefe kan Goa MPS, sa suporta kan sa

Sa tahaw kan matamlay na voters’ registration sa opisina kan Commission on Election (Comelec) sa Ciudad nin Naga nagluwas na sinda sa mga barangay cada semana nganing magconducir nin satellite registration. Si Atty. Maico Julia, Election Officer sa Naga nagpahayag sa Bicol Mail na duwang barangay cada semana an saindang satellite registration sa coordinasyon sa opisyales de barangay. Halaba an nagpipirila sa mga barangay na saindang pigbibisita na dakulang tabang nganing dai

Dawa dakulang cantidad si danyos sa agricultura sa Kabikolan huli kan bagyong Uwan, alagad dai man apektado an food security mantang solamente 6,000 hektarya omahan an apektado sa rehiyon kumpara sa 88,000 hektarya omahan na kadakli nakaani na kan Oktubre 2025. Ini an pinaluwas na datos kan Department of Agriculture (DA) sa paagi kan saindang opisyal na parataram, Lovella Guarin base man sa sinusumiter na damage report sa sainda hale sa mga Municipal Agriculture Office (MAO)

Nagmarahal si presyo sa gulayon sa Naga City Public Market (NCPM) magin sa iba pang lugar na pigtutubodan huli kan dakulang destroso ni bayong Uwan sa agricultura. Si Neptali Pabines kan NCPM nagkumfirmar na nagralangkaw an presyo nin gulayon sa mercado publico mantang dai man ini kabale sa dapat makontrolan kan gobierno. Agrangay an consumedores alagad mayong magiginibo napipiritan na magbakal dawa tingi-tingi sana igua lang mabakal. Igua man produktong gulayon hale sa upper

Ni Sonny Malate Liwat na na nakaguno kan Gawad Kalamidad at Sakuna Labanan, Sariling Galing ang Kaligtasan (KALASAG) Seal of Excellence an local government unit (LGU) kan banwaan nin San Jose, Camarines Sur. Kan taon na 2024, naging recipiente man ini kan prestigiosong onra. An Gawad KALASAG taun taon na pigduduhol kan National Disaster Risk Reduction and Management Council (NDRRMC) sa mga Local Disaster Risk Reduction and Management Councils and Offices (LDRRMCOs) sa bilo

Nagtutubod an Bicol PNP na pinamamayohan ni BGen Nestor Babagay Jr. bilang regional director na nakatabang an tropa kan kapupulisan hale digdi sa Bicol nganing maging augmentation force sa pagmantenir kan paz y orden sa duwang aldaw na peace rally kan INC contra kurapsyon na ginigibo sa NCR kan Noviembre 16, 17, 2025. Abot sa on mil na miembros kan PNP an pinadara kan regional office kan PNP hale digdi sa Bicol na kabale an hale sa Naga City Police Office asin PNP Provincial

Nagtaong asegurasyon an Department of Transportation (DOTr) asin Philippine National Railways (PNR) na kabale sa saindang hihirahayon iyo an naraot na relis kan perrokaril sa tulay kan Barangay Apad asin Cale, Ragay, Camarines Sur mantang nagpapadagos an saindang rehabilitasyon kan linya kan train sa Bicol. Ini an kasimbagan ni DOTr Secretary Giovanni Lopez ki Representante Hori Horibata kan premirong distrito kan Camarines Sur kasunod kan saiyang surat sa ahencia matapos mar

Kinokondenar kan manijamiento kan Camarines Sur II Electric Cooperative (Casureco II) Inc., an ginigibong pang-sasabotahe sa linya nin kuryente sa Tinambac, Camarines Sur na nagreresulta sa halawig na brownout. Sinabi ni Rinner Bucay, opisyal na parataram kan cooperativa an pang-sasabotaje sa paagi nin pagsabit nin alambre sa poste na nagiging dahilan sa pagpurotok kan saindang transformer sa Barangay Sta Cruz, Tinambac asin kabale sa perwisyo sa brownout iyo an Siruma, Camar

Halangkaw an numero kan piglalaoman na voters registrant sa Ciudad nin Naga na nagpoon kan Oktubre 20, 2025 hasta Mayo 18, 2026 mantang aaboton sa pitong bulan an target kan Commission on Election digdi 15 mil na mapalista. Bakong arog kan Agosto 2025 nagdurar sana nin sampolong aldaw inabot sana sa tres mil an nagpalistang botante. Ini an mga pahayag sa Bicol Mail ni Election Officer Atty. Maico Julia Jr. alagad sa ngunian hababa pang mga registrant an nagpapalista sa sainda

Ni Sonny Malate San Jose, Camarines Sur --- May libreng serbisyo na sa internet access an mga estudiantes sa anom na escuelahan sa secondarya sa banwaan na ini. Huli sa Ordinance No. 2025 - 017 na pigpadrinohan ni Municipal Councilor Juancho C. Ras sa Sangguniang Bayan sa pamamayo ni Bise Alkalde Daniel Pervera, an mga escuelahan sa secondarya sa banwaan na ini an magkakaigua nin libreng serbisyo kan internet gikan sa sarong privadong service provider. Segun ki Ras, an mga

Pinangenotan ni ML partylist Congressman Leila De Lima an pagsangat kan House Bill 5132 para sa renewal sa congressional franchise kan Camarines Sur III Electric Cooperative (Casureco III) Inc. Sinabi ni De Lima komo tubong Ciudad nin Iriga dapat lang matabangan niya an Irigueños asin mga taga Camarines Sur asin mga municipalidades kan Baao, Bato, Buhi, Bula, asin Nabua na sakop kan serbisyo kan cooperativa nin electricidad nganing magpadagos an electric power distribution sy

Ni Paulo DS. Papa LAOMAN an harahalawig pang power restoration sa upper barangays kan syudad nin Naga. Alagad haros mapailawan na an mga barangay digdi na nasa kabababan kan syudad maliban sa Barangay Dayangdang asin Calauag. Segun ki Rinner Bucay harani nang makompleto an power restoration kadakle sa mga barangay na kinababalehan kan Abella na nasa 80 por syento nang energized, Bagumbayan Sur – 60, Bagumbayan Norte – 20, Del Rosario – 25, Dinaga – 30, Liboton – 70, Lerma –

Sa tahaw kan padagos na agrangay nin mga paraoma sa baratong presyo nin paroy, nagdadakul na an disganado na sa pag-oma envez an iba nagtatanum nalang nin natong na minus gastos asin madali pang anihon. Afuera sa ibang paraoma sa Rinconada area na pigkumbertir na an saindang omahan sa natongan, igua naman nagkapera sa Libmanan, Camarines Sur na dating bestado sa tambubong nin paroy. Sa ngunian napag-araman sa Department of Agriculture na iguang negosyante an nagbabakal kan in

Dai nakadulag sa kamot kan mga awtoridad kan arestaron an sarong wanted person sa aldaw kan Undas, Noviembre 1, 2025 sa laog kan kamposanto sa Barangay San Francisco, Bombon, Camarines Sur. Sa ginibong operasyon kan Naga City Police Office asin Bombon Municipal Police Station bitbit an mandamiento de aresto nadakop an sarong nginaranan na Alyas Marlon, 35 anyos, construction worker asin residente kan Zona 6, Barangay Cararayan, Ciudad nin Naga na nag-aatubang sa casong pagbal